കുന്നിൻ പ്രദേശം

പഞ്ചായത്തിന്റെ മിക്ക വാര്‍ഡുകളിലും കുന്നിൻ പ്രദേശങ്ങളുണ്ട്. പൗരാണിക പ്രാധാന്യമുള്ള വേദഗിരിമല, നാല്പാത്തിമല, കളമ്പുകാട്ടുമല, കരിവേലിമല, കാട്ടാത്തി പ്രദേശം എന്നിവ പ്രധാന കുന്നിന്‍ പ്രദേശങ്ങളാണ്.

തെങ്ങ്, റബ്ബര്‍, കപ്പ, വാഴ എന്നിവ പ്രധാനമായും കൃഷി ചെയ്യുന്നു. ഏകദേശം 7 ച.കി.മീ. പ്രദേശം കുന്നിന്‍ മേഖലയാണ്.

സമതല പ്രദേശം

ചെങ്കല്ലും ചരലും ചേര്‍ന്ന ഫലഭൂയിഷ്ടമായ മണ്ണാണ് സമതല പ്രദേശങ്ങളില്‍ കാണപ്പെടുന്നത്.

തോടുകളും നീരുറവകളും നിറഞ്ഞ പ്രദേശമായതിനാല്‍ നെല്ല്, വാഴ, ഇഞ്ചി, തെങ്ങ്, പച്ചക്കറികള്‍ തുടങ്ങിയവ സമൃദ്ധമായി കൃഷി ചെയ്യപ്പെടുന്നു.

ചതുപ്പു പ്രദേശം

പഞ്ചായത്തിലെ ചതുപ്പുപ്രദേശങ്ങളിലെ 90 ശതമാനവും പടിഞ്ഞാറൻ മേഖലയിലാണ് സ്ഥിതിചെയ്യുന്നത്.

ചതുപ്പുനിലങ്ങള്‍ മണ്ണിട്ട് നികത്തി കരഭൂമിയാക്കുന്ന പ്രവണത പ്രകൃതി സന്തുലിതാവസ്ഥയെ ബാധിക്കുന്നു. നെല്ല്, തെങ്ങ് എന്നിവ കൂടുതലായി കൃഷി ചെയ്യുന്നു.

പ്രധാന ജലസ്രോതസ്സുകള്‍

വേദഗിരി കുളം, മനയ്ക്കക്കുളം, ചൂരക്കുളങ്ങര തുടങ്ങിയ ജലാശയങ്ങള്‍ പഞ്ചായത്തിന്റെ ജല സമൃദ്ധിയെ സൂചിപ്പിക്കുന്നു.

കുടിവെള്ള ലഭ്യത

പഞ്ചായത്തിലെ ഉയര്‍ന്ന പ്രദേശങ്ങള്‍ ഒഴികെ മറ്റു പ്രദേശങ്ങളില്‍ സാധാരണയായി കുടിവെള്ള ദൗര്‍ലഭ്യം അനുഭവപ്പെടാറില്ല.