ബന്ദിപ്പൂ കൃഷി ആരംഭിച്ചു
ഓണക്കനി നിറപ്പൊലിമ
അതിരമ്പുഴ ഗ്രാമപഞ്ചായത്ത് കുടുംബശ്രീയുടെ നേതൃത്വത്തിൽ ബന്തിപ്പൂ കൃഷിക്ക് തുടക്കമായി
അതിരമ്പുഴ ഗ്രാമപഞ്ചായത്ത് കുടുംബശ്രീയുടെ നേതൃത്വത്തിൽ 'ഓണക്കനി നിറപ്പൊലിമ' ബന്തിപ്പൂ കൃഷി നടീലിന്റെ ഉദ്ഘാടനം നടന്നു. പഞ്ചായത്തിലെ 2, 7 വാർഡുകളുടെ നേതൃത്വത്തിൽ വനിതാ JLG ഗ്രൂപ്പുകളുടെ ബന്തിപ്പൂ, പച്ചക്കറി തൈകൾ നട്ടുപിടിപ്പിക്കുന്ന പ്രവർത്തനങ്ങളുടെ ഉദ്ഘാടനം ബഹു പഞ്ചായത്ത് പ്രസിഡന്റ് ശ്രീമതി ഒ.എ സജി നിർവഹിച്ചു.
ഏഴാം വാർഡിൽ നടന്ന ഉദ്ഘാടന ചടങ്ങിൽ വാർഡ് മെമ്പർ മാത്യു തേക്ക്നിൽക്കുംപറമ്പിൽ, കൃഷി ഓഫീസർ ഡോ. അശ്വിനി എം.എസ്, പെസ്റ്റ് സ്കൗട്ട് സിനിമോൾ ബീഗം, മെമ്പർമാരായ സൗമ്യ വാസുദേവൻ, സി.ഡി.എസ് ചെയർപേഴ്സൺ ലത രാജൻ, അഗ്രി സി.ആർ.പി ഷൈനി റെജി എന്നിവർ സംസാരിച്ചു.
രണ്ടാം വാർഡിൽ നടന്ന ചടങ്ങിൽ വാർഡ് മെമ്പർ ജോണി തോട്ടപ്പള്ളി, മെമ്പർമാരായ പ്രിയ ബാസ്റ്റിൻ, ഐറിഷ് മോൾ, ബി.സി ജോമേഷ്, സായൂജ്യം JLG അംഗങ്ങൾ, എ.ഡി.എസ് അംഗം മേരി എം.ജെ, മറ്റ് കുടുംബശ്രീ, JLG ഗ്രൂപ്പ് അംഗങ്ങൾ എന്നിവർ സന്നിഹിതരായിരുന്നു.
ഓണക്കാലത്ത് നാടൻ പൂക്കളും പച്ചക്കറികളും ലഭ്യമാക്കുക എന്നതിനൊപ്പം വനിതകളുടെ കാർഷിക പങ്കാളിത്തവും സാമ്പത്തിക ഭദ്രതയും ഉറപ്പാക്കുക എന്നതാണ് ഈ പദ്ധതിയിലൂടെ ലക്ഷ്യമിടുന്നത്.
✔ വനിതാ കാർഷിക സംരംഭങ്ങളെ പ്രോത്സാഹിപ്പിക്കുക
✔ കുടുംബശ്രീ JLG ഗ്രൂപ്പുകളുടെ വരുമാനം വർദ്ധിപ്പിക്കുക
✔ ജൈവകൃഷിയും പ്രാദേശിക കാർഷിക വികസനവും ശക്തിപ്പെടുത്തുക