എല്ലാ വർഷവും ജൂൺ 21-നാണ് അന്താരാഷ്ട്ര യോഗ ദിനം ആചരിക്കുന്നത്. ശരീരത്തിന്റെയും മനസ്സിന്റെയും ആരോഗ്യവും സമാധാനവും നിലനിർത്താൻ യോഗയ്ക്ക് വലിയ പ്രാധാന്യമുണ്ട്. യോഗാഭ്യാസം ശരീരത്തിന്റെ വഴക്കവും ശക്തിയും വർധിപ്പിക്കുകയും മാനസിക സമ്മർദ്ദം കുറയ്ക്കുകയും ചെയ്യുന്നു. ആരോഗ്യകരമായ ജീവിതശൈലി പ്രോത്സാഹിപ്പിക്കുന്നതിനും ഏകാഗ്രതയും ആത്മവിശ്വാസവും വർധിപ്പിക്കുന്നതിനും യോഗ സഹായിക്കുന്നു.

ഇന്നത്തെ തിരക്കേറിയ ജീവിതത്തിൽ മാനസികവും ശാരീരികവുമായ ആരോഗ്യം സംരക്ഷിക്കാൻ യോഗ ഒരു മികച്ച മാർഗമാണ്. സമൂഹത്തിൽ ആരോഗ്യബോധം വളർത്തുന്നതിനും എല്ലാവരെയും ആരോഗ്യകരമായ ജീവിതത്തിലേക്ക് നയിക്കുന്നതിനുമാണ് അന്താരാഷ്ട്ര യോഗ ദിനാചരണം സംഘടിപ്പിക്കുന്നത്.

അതിരമ്പുഴ കോട്ടയ്ക്കുപുറം ഗവണ്‍മെന്‍റ് യു.പി. സ്കൂളില്‍ അന്താരാഷ്ട്ര യോഗാ ദിനാചരണം ബഹു പഞ്ചായത്ത് അംഗം ശ്രീ ജോണി ജോസഫ് ഉദ്ഘാടനം ചെയ്തു. ആയുഷ് പി.എച്ച്.സി. ഡോക്ടര്‍ ശ്രീദേവി, സ്കൂള്‍ ഹെഡ്മാസ്റ്റര്‍, അദ്ധ്യാപകര്‍ എന്നിവര്‍ വേദി അലങ്കരിച്ചു. യോഗാദ്ധ്യാപികയുടെ നേതൃത്വത്തില്‍ കുട്ടികള്‍ക്ക് യോഗ പരിശീലനം നടത്തി.